സർവ്വം സഹേ.........

സർവ്വം സഹേ.........
ഇനിയെത്ര മന്വന്തരങ്ങൾ കഴിയണം
നിന്നിലെ തീയൊന്നു കെട്ടടങ്ങാൻ?
ഇരവിന്റെ പകലിന്റെ നിശ്വാസഗന്ധ-
മേറ്റുണരാനുറങ്ങും ധരിത്രീ,
ഇനിയെത്ര മന്വന്തരങ്ങൾ കഴിയണം
നിൻ കരളിലെ തീയൊന്നു കെട്ടടങ്ങാൻ?


രണഭേരിയുണരൂന്ന തെരുവിന്റെ മാറിൽ
തലയറ്റു വീഴും കബന്ധങ്ങൾ കൊത്താൻ
ചിറകടിച്ചെത്തുന്ന കഴുകന്റെ ചുണ്ടിൽ
വിരിയുന്ന നവരസ ഭാവങ്ങൾ നോക്കി
തെരുവിലേക്കെറിയൂന്നൊരെച്ചിലിന്നുറവിടം
തിരയുന്ന കുഞ്ഞിന്റെ ചുണ്ടു മന്ത്രിക്കുന്നു
ഇനിയെത്ര മന്വന്തരങ്ങൾ കഴിയണം
നിൻ മ്ിഴിയിലെ കണ്ണീരിന്നുറവ വറ്റാൻ?


ഇനിയും കുരുക്ഷേത്ര ഭൂമി പിറക്കുമോ
നിൻ തിരുമാറിൽ ്അഗ്നിശരങ്ങളെയ്തിടുവാൻ?
ഇനിയും മുഹമ്മദും,യേശുവും,കൃഷ്ണനൂം
വരികില്ലേ ശാന്തിമന്ത്രമോതീടുവാൻ?


-വിജയന്‍ കെ. ഇരിങ്ങത്ത് 

Published in Tharangadeepthi (2010)